தஜ்வீத் - மத்து எழுத்துக்களும் , சுகூன் பெற்ற ஹம்ஜாவும்.

மத்து எழுத்துக்கள்

மத்து என்றால் தமிழில் நீட்டுதல் என்று பொருள்.

மத்துடைய எழுத்துக்கள் (நீட்டல் எழுத்துக்கள்) மொத்தம் மூன்று. அவை ا ، و ، ي

அலிஃப் மத்தா:

எப்போதும் ( ا ) க்கு முன்னுள்ள எழுத்தின் ஹரகத் ஃபத்ஹா (  َ) வாக இருந்தால், அதாவது, باَ ، تاَ ، لاَ ، ماَ واَ இவ்வாறு இருந்தால் அதனை இரண்டு அலிஃப் அளவிற்கு நீட்டி ஓத வேண்டும்.

 உதாரணம்:

• باَ பா
• تاَ தா
• ثاَ ஸா
• جاَ ஜா
• شاَ ஷா

இதுவே அலிஃப் மத்தா ஆகும்.

வாவ் மத்தா:

( و ) சுகூன் (  ْ) பெற்று அதற்கு முன்னுள்ள எழுத்தின் ஹரகத் ளம்மா (  ُ ) வாக இருந்தால், அதாவது, بُوْ ، تُوْ ، ثُوْ ، جُوْ ، شُوْ இவ்வாறு இருந்தால் அதனை இரண்டு அலிஃப் அளவிற்கு நீட்டி ஓத வேண்டும்.

உதாரணம்:

• بُوْ பூ
• تُوْ தூ
• ثُوْ ஸூ
• جُوْ ஜூ

இதுவே வாவ் மத்தா ஆகும்.

யா மத்தா:

( ي ) சுகூன் (  ْ ) பெற்று அதற்கு முன்னுள்ள எழுத்தின் ஹரகத் கஸ்ரா (  ِ ) வாக இருந்தால், அதாவது ,بِيْ ، تِيْ ، ثِيْ ، عِيْ ، صِيْ

இவ்வாறு இருந்தால் அதனை இரண்டு அலிஃப் அளவிற்கு நீட்டி ஓத வேண்டும்.

உதாரணம்:

• بِيْ பீ
• تِيْ தீ
• ثِيْ ஸீ
• جِيْ ஜீ

இதுவே யா மத்தா ஆகும்.

சுகூன் பெற்ற ஹம்ஜா

குர்ஆனில் சில இடங்களில் ஹம்ஜா ( ء ) அலிஃப் உடைய தோற்றத்திலும் ( أ ) ، சில இடங்களில் வாவ் உடைய தோற்றத்திலும் ( ؤ ) ، சில இடங்களில் யா உடைய தோற்றத்திலும் ( ئ ) வரும்.

உதாரணம்: بِئس يؤمِنُ ، كأس ،

இவ்வாறு வரும் போது இதனை சிறிதும் நீட்டாமல் ஒருவித அதிர்வுடன் ஃ சப்தத்தைக் கொடுத்து ஓத வேண்டும்.

யூமினு என்று ஓதாமல் யுஃமினு என்று ஓத வேண்டும்.

காஸ என்று ஓதாமல் கஃஸ என்று ஓத வேண்டும்.

பீஸ என்று ஓதாமல் பிஃஸ என்று ஓத வேண்டும்.

பயிற்சி:

கீழ்க்கண்ட வார்த்தைகளில் உள்ள மத்து எழுத்துக்களைக் கண்டறியவும்.