மத்து வகைகள் - தஜ்வீத் அல் குர்ஆன்

 மத்தின் வகைகள்:

மத்து அதன் தன்மை, நீட்டல் அளவு போன்ற காரணங்களினால் பல்வேறு வகைகளைப் பெற்றுள்ளது.

அந்த வகைகளின் அடிப்படையில் எழுத்துக்களை 2 முதல் 6 ஹரகத் அளவிற்கு நீட்டி ஓத வேண்டும்.

 

மத்தின் வகைகள்:

• மத்து அஸ்லி / தபயீ
• மத்து முத்தஸில்
• மத்து முன்ஃபஸில்
• மத்து லீன்
• மத்து இவத்
• மத்து பதல்
• மத்து ஹர்ஃபீ
• மத்து லாஜிம் 
• மத்து சிலா
• மத்து ஆரிழ்

1. மத்து அஸ்லீ/தபயீ: 

 மத்துடைய எழுத்துக்கள் ( ا و ي) சுகூன் பெற்று அதற்கு முன்னுள்ள எழுத்து அதே உச்சரிப்பைப் பெற்ற ஹரகத்தைக் கொண்டு வருவது மத்து அஸ்லீ ஆகும்.

இதனை இரண்டு ஹரகத் அளவு நீட்ட வேண்டும்.

உதாரணம்: بَابٌ ، نَجِيْمٌ ، يُوْنُسٌ

2. மத்து முத்தஸில்:

ஒரு வார்த்தையின் நடுவில் மத்துடைய எழுத்து வந்து  அதற்கு அடுத்த எழுத்து ء  வருமானால் அது மத்து முத்தஸில் ஆகும்.

மத்து முத்தஸிலை நான்கு ஹரகத் அளவு நீட்ட வேண்டும்

உதாரணம்: شَآءَ , جَآءَ

3. மத்து முன்ஃபஸில்:

ஒரு வார்த்தையின் இறுதியில் மத்துடைய எழுத்து  வந்து அதற்கு அடுத்த வார்த்தையில் ء வருமானால் அது மத்து முன்ஃபஸில் ஆகும்.

மத்து முன்ஃபஸிலை நான்கு ஹரகத் அளவு நீட்ட வேண்டும்.

உதாரணம்: اِنَّآ اَنْزَلْنَاهُ

4. மத்து லீன்:

வக்ஃப் செய்ய வேண்டிய இடத்தில் கடைசி எழுத்திற்கு முன் உள்ள எழுத்து லீன் எழுத்தின் சட்டத்தைப் பெற்றிருந்தால் அதனை நீட்டி உச்சரிக்க வேண்டும்.

லீன் மத்தாவை 2 அல்லது 4 அல்லது 6 ஹரகத் அளவிற்கு நீட்டி உச்சரிக்க வேண்டும்.

உதாரணம்:   ○خَوْفٍ ○،   قُرَيْشٍ

5. மத்து இவத்:

வக்ஃப் நிலையில், ஃபதஹதைன் வந்தால் அதனை அலிஃப் மத்தாவாக மாற்றி உச்சரிப்பதே மத்து இவத் ஆகும்.

இதனை இரண்டு அலிஃப் அளவு நீட்ட வேண்டும்.

உதாரணம்: ○حُسْنًا○ اَفْوَاجًا 

6. மத்து பதல்:

மத்துடைய எழுத்து( ا و ي) க்கு முன் ஹம்ஜா வந்தால் அது மத்து பதல் ஆகும்.

இதனை இரண்டு அலிஃப் அளவிற்கு நீட்ட வேண்டும்.

உதாரணம்: إِيْلاَفِ , أُوْتُوْا

மத்து வகைகள்